News

ബിവീലേഴ്സ് ചര്‍ച്ചിനു കോടികളുടെ ഹവാല ഇടപാടെന്ന് ആദായനികുതി വകുപ്പ്

തിരുവല്ല: ബിവീലേഴ്‌സ് ചര്‍ച്ചിനു കോടികളുടെ ഹവാല ഇടപാടുണ്ടെന്നും കോടികളുടെ കള്ളപ്പണം വെളുപ്പിച്ചതായി കണ്ടെത്തിയെന്നും ആദായ നികുതി വകുപ്പ്. ചര്‍ച്ചിനു കീഴിലെ 30 ട്രസ്റ്റുകളില്‍ അധികവും കടലാസില്‍ ഒതുങ്ങുന്നു. ഏഴു  സംസ്ഥാനങ്ങളിലായി സഭയ്ക്ക് ഒട്ടേറെ സ്ഥാപനങ്ങള്‍ ഉണ്ടെന്നും ആദായ നികുതി വകുപ്പ് വ്യക്തമാക്കി. ബിലീവേഴ്‌സ് ഈസ്റ്റേണ്‍ ചര്‍ച്ചിന്റെ ആസ്ഥാനത്തും അനുബന്ധ സ്ഥാപനങ്ങളിലും വ്യാഴാഴ്ച തുടങ്ങിയ ആദായനികുതി വകുപ്പിന്റെ പരിശോധന തുടരുകയാണ്. 
ഡെല്‍ഹി, തമിഴ്‌നാട്, കര്‍ണാടക, ഛത്തീസ്ഗഢ്, തെലങ്കാന, പഞ്ചാബ്, പശ്ചിമബംഗാള്‍ തുടങ്ങിയ സംസ്ഥാനങ്ങളിലടക്കം രാജ്യത്താകമാനമായി 66 ഇടങ്ങളില്‍ റെയ്ഡ് നടക്കുന്നുണ്ടെന്നാണു റിപ്പോര്‍ട്ട്. രേഖകള്‍ ഇല്ലാതെ സൂക്ഷിച്ച 14.5 കോടിയോളം രൂപ വിവിധയിടങ്ങളില്‍നിന്നു കണ്ടെത്തിയതായി സൂചനയുണ്ടെങ്കിലും ഉദ്യോഗസ്ഥര്‍ ഇക്കാര്യം സ്ഥിരീകരിച്ചിട്ടില്ല. വിവിധ സംസ്ഥാനങ്ങളില്‍ ചാരിറ്റബിള്‍ ട്രസ്റ്റുകള്‍ രൂപീകരിച്ചാണു കള്ളപ്പണം വെളുപ്പിച്ചതെന്ന് ആദായ നികുതി വകുപ്പ് വ്യക്തമാക്കി. 
ജീവകാരുണ്യ പ്രവര്‍ത്തനങ്ങള്‍ക്കുള്ള ധനസഹായം ആദായനികുതി പരിധിയില്‍ നിന്ന് ഒഴിവാക്കപ്പെട്ടതാണ്. എന്നാല്‍ ഇങ്ങനെ എത്തിയ പണം ഉപയോഗിച്ച് ബിലീവേഴ്‌സ് ചര്‍ച്ച് കോടികളുടെ വസ്തുവകകള്‍ വാങ്ങിക്കൂട്ടി എന്നാണു കണ്ടെത്തല്‍. അതോടൊപ്പം കള്ളപ്പണം വെളുപ്പിച്ചതിന്റെ തെളിവുകള്‍ ലഭിച്ച സാഹചര്യത്തില്‍ ഇ.ഡിയുടെ അന്വേഷണവും പിറകെയുണ്ടാകും.
 
.

Back to Top