Sanathanam

സ്വാമി സത്യാനന്ദസരസ്വതി ജയന്തി ആഘോഷം ഇന്നു മുതല്‍

തിരുവനന്തപുരം: സത്യാനന്ദസരസ്വതി സ്വാമിയുടെ 80ാം ജയന്തി ഇന്നും നാളെയുമായി ആഘോഷിക്കും.
ഇന്നു വൈകിട്ട് നാലിന് കിഴക്കേക്കോട്ട തീര്‍ത്ഥപാദമണ്ഡപത്തില്‍ ഭജന, ആറിന് ശ്രീ സത്യാനന്ദഗുരു സമീക്ഷ (ജയന്തി സമ്മേളനം) മുന്‍ ചീഫ് സെക്രട്ടറി ആര്‍. രാമചന്ദ്രന്‍ നായര്‍ ഉദ്ഘാടനം ചെയ്യും. ശ്രീരാമദാസമിഷന്‍ യൂണിവേഴ്‌സല്‍ സൊസൈറ്റി സംസ്ഥാന അദ്ധ്യക്ഷന്‍ സ്വാമി സത്യാനന്ദതീര്‍ത്ഥപാദര്‍ അദ്ധ്യക്ഷത വഹിക്കും. ഡോ. ടി.പി. ശങ്കരന്‍കുട്ടിനായര്‍, അഡ്വ. ജെ. മോഹന്‍കുമാര്‍ എന്നിവര്‍ പ്രസംഗിക്കും. ശ്രീരാമദാസമിഷന്‍ അദ്ധ്യക്ഷന്‍ സ്വാമി ബ്രഹ്മപാദാനന്ദസരസ്വതി ജയന്തി സന്ദേശം നല്‍കും. ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളെക്കുറിച്ചുള്ള 'യുഗപ്രഭാവന്‍' എന്ന ഡിവിഡിയുടെ പ്രകാശനവും സമ്മേളനത്തില്‍ നടക്കും.
ഒക്ടോബര്‍ ആറിനാണു ജയന്തി ദിനം. രാവിലെ ആരാധനയോടുകൂടി ചടങ്ങുകള്‍ ആരംഭിക്കും. തുടര്‍ന്ന് അഹോരാത്ര രാമായണ പാരായണം, ലക്ഷാര്‍ച്ചന, കഞ്ഞിസദ്യ, അമൃതഭോജനം, പൂമൂടല്‍, ഭജന എന്നിവ നടക്കും. ശ്രീരാമദാസമിഷന്‍ അദ്ധ്യക്ഷന്‍ സ്വാമി ബ്രഹ്മപാദാനന്ദ സരസ്വതി ചടങ്ങുകള്‍ക്ക് മുഖ്യ കാര്‍മ്മികത്വം വഹിക്കും. ഏഴിന് രാവിലെ 3.30ന് ശ്രീരാമപട്ടാഭിഷേകത്തോടുകൂടി ജയന്തി ചടങ്ങുകള്‍ സമാപിക്കും.
വിവിധ ഹൈന്ദവ സംഘടനകളുടെ സഹകരണത്തോടെ ശ്രീരാമദാസാശ്രമം, ശ്രീരാമദാസമിഷന്‍, ശ്രീരാമദാസമിഷന്‍ യൂണിവേഴ്‌സല്‍ സൊസൈറ്റി എന്നീ പ്രസ്ഥാനങ്ങള്‍ ചേര്‍ന്നാണ് ആഘോഷം സംഘടിപ്പിക്കുന്നത്. 
 
.

Back to Top