സ്വാമി ചിദാനന്ദപുരി മാനേജിംങ്‌ ട്രസ്റ്റിയായി, കോഴിക്കോട്‌ കേന്ദ്രമായി പ്രവര്‍ത്തിക്കുന്ന, ഹിന്ദുസ്ഥാന്‍ സേവാ ചാരിറ്റബിള്‍ ട്രസ്റ്റിന്റെ പ്രഥമ മാധ്യമ സംരംഭമാണ്‌ ദ്‌ ഹിന്ദുസ്ഥാന്‍.ഇന്‍. സമൂഹത്തിന്റെ വിവിധ മണ്‌ഡലങ്ങളിലുള്ള പ്രമുഖര്‍ ട്രസ്റ്റുമായി സഹകരിക്കുന്നു.

വാര്‍ത്തകളുടെ ലോകത്തേക്ക്‌ ഞങ്ങള്‍ ചുവടുവയ്‌ക്കുകയാണ്‌.

വാര്‍ത്തയേതെന്നും അല്ലാത്തതെന്തെന്നും ഏവരും ആശങ്കപ്പെടുന്ന ഒരു കാലത്ത്‌, തേടിപ്പിടിക്കാനുള്ളത്‌ അതു തന്നെ- യഥാര്‍ഥ വാര്‍ത്ത.

ശ്രമകരമാണെന്ന തിരിച്ചറിവോടെ ഏറ്റെടുക്കുന്ന ഈ ദൗത്യത്തിന്റെ വിജയത്തിന്‌ അനിവാര്യം അഭ്യുദയകാംക്ഷികളുടെയും വായനക്കാരുടെയും അകമഴിഞ്ഞ പിന്തുണയും ആശീര്‍വാദവുമാണ്‌.

കേവലം പകര്‍ത്തെഴുത്തല്ല പദ്ധതി. മറ്റു മാധ്യമങ്ങള്‍ വാര്‍ത്തയായി കൊട്ടിഘോഷിക്കുന്ന ചിലതൊക്കെ ഇവിടെ കണ്ടില്ലെന്നുവരാം. മറ്റെവിടെയുമില്ലാത്ത വാര്‍ത്തകളും ആശയങ്ങളും ഇവിടെ പ്രകാശിതമായെന്നും ചെയ്യാം. മാധ്യമ ധാര്‍മികതയും മൂല്യങ്ങളും ഉയര്‍ത്തിപ്പിടിച്ചും പരമ്പരാഗത മാധ്യമരീതികള്‍ കൈവിടാതെയുമായിരിക്കും പ്രയാണം.

ഏറ്റവും പ്രധാനം നമ്മുടെ ചുറ്റുപാടാണ്‌. അതിനു നേരെ തുറന്നുവച്ച കണ്ണാടിയാകണം മാധ്യമങ്ങള്‍. സുതാര്യതയാകണം മുഖമുദ്ര.

വായനക്കാരന്‍ എന്തു പ്രതീക്ഷിക്കുന്നു എന്നതിനൊപ്പം വായനക്കാരന്‍ എന്തൊക്കെ അറിഞ്ഞിരിക്കണമെന്ന ചിന്ത ചേര്‍ത്തുവച്ചായിരിക്കും ഈ പത്രാധിപസമിതിയുടെ പ്രവര്‍ത്തനം.

ചീഫ്‌ എഡിറ്റര്‍- സ്വാമി ചിദാനന്ദപുരി

എഡിറ്റര്‍- അനുരാജ്‌ എ.കെ.